Дорноговь аймгийн Эрдэнэ сумын Еншөөв багийн "Тавын зогсоол" гэдэг газар /Замын-Үүд сумаас хойд зүгт 52 км/ иргэн Б-гийн “Volvo-FH12-42” загварын зүтгүүр, иргэн С-ийн “Volvo-FH-480” загварын 20 тн барилгын материал тээвэрлэж явсан зүтгүүртэй мөргөлдсөний улмаас тус 2 автомашин шатаж байсныг ОБЕГ-ын алба хаагчид унтраажээ. Эх сурвалжийн мэдээлж буйгаар тээврийн хэрэгсэлд зорчиж явсан эмэгтэй болон бага насны хүүхэд ослын улмаас нас барсан бөгөөд уг хэргийг үргэлжлүүлэн цагдаагийн байгууллагаас шалгаж байгаа аж.
