3х3 сагсан бөмбөгийн олимпийн эрх олгох сүүлчийн тэмцээн Унгарт болж байна. Манай улсаас эрэгтэй, эмэгтэй шигшээ баг оролцож буй.
Монголын эрэгтэй шигшээ баг хэсгийн эхний хоёр тоглолтдоо Бельги болон Польшийн гигшээ багийн буулган авсан бол гурав дахь тоглолтдоо Японы шигшээ багийг буулган авснаар хасагдах шатанд шалгарлаа. Түүнчлэн "Парис 2024" олимпийн эрх олгох хэсгийн тоглолтуудад нийт авсан оноогоороо бүх багийг тэргүүлжээ. Харин хасагдах шатанд Израилын шигшээ багтай тоглох ба тоглолт өнөө орой 22:15 цагт болно.
