Монгол Ардын Намын дотоодод үүссэн фракц, хуваагдал болон албан тушаалын тохироо улс төрийн хүрээнд анхаарал татаж байна.
Эрх баригч нам дотор “38” болон “30”-ын бүлэглэл үүссэн талаар гишүүд нь өөрсдөө ч ярьж байсан. Тэгвэл нам доторх цөөнхийн бүлэг таван сайдын албан тушаал авах тохироо хийж чадлаа. Энэ тухай цөөнхийн бүлгийн гишүүд ч аман байдлаар өчигдөр дурдаж байсан юм. Тухайлбал, УИХ-ын даргыг өгөхгүй бол бид таван сайдын албан тушаалыг авахгүй хэмээн нэр бүхий гишүүд хэлж байсан юм. Тэгвэл энэ тохироо Н.Учралын тэргүүлсэн Засгийн газрын бүрэлдэхүүн тодорхой болсноор баталгаажлаа. Тодруулбал,
- С.Амарсайхан Хууль зүй, дотоод хэргийн сайдаар,
- Б.Алдаржавхлан Соёл, спорт, аялал жуулчлал, залуучуудын сайдаар
- Ч.Номин Цахим хөгжил, инновац, харилцаа холбооны сайдаар,
- Ц.Идэрбат Хүнс, хөдөө аж ахуй, хөнгөн үйлдвэрийн сайдаар,
- Ц.Сандаг-Очир Байгаль орчин, уур амьсгалын өөрчлөлтийн сайдаар томилохоор тохирчээ.
.jpg)
_1703.jpg)
