Өмнөд Судан улсад Монголын энхийг сахиулагч нартай уулзжээ.
Тодруулбал, Бүгд Найрамдах Өмнөд Судан Улс – Монгол Улсын аялал жуулчлалын салбарт идэвхтэй үйл ажиллагаа явуулдаг, олон нийтэд “аялагч блоггер” хэмээн танигдсан Баярхүү Мөнхцэлмэг НҮБ-ын мандаттай “UNMISS” энхийг сахиулах ажиллагаанд үүрэг гүйцэтгэж буй Монгол Улсын Зэвсэгт хүчний XV ээлжийн цэргийн багийн байрлалд зочилжээ.
Зочлох үеэрээ тэрбээр энхийг сахиулагч цэргүүдийн өдөр тутмын алба, үүрэг гүйцэтгэл, байр, ахуй нөхцөлтэй танилцаж, энхийн төлөө үйлсэд Монгол Улсын нэрийг өндөрт өргөж яваа дайчдад талархал илэрхийлжээ.
