Тоноглосон мотоцикль хүлцэх хэмжээнээс хоёроос гурав дахин их дуу чимээний бохирдол үүсгэж, иргэдийн эрүүл мэндэд олон талын сөрөг нөлөөг үзүүлдэг талаар бид өмнө нь сурвалжилж байсан. Тэгвэл нийслэлд хэт чанга дуу чимээ гаргадаг машин, мотоциклыг хориглох шийдвэр гарчээ.
Олон улсын дүрмээр хотод өдөр 55, шөнө 45 децибелийн чимээ гаргахыг зөвшөөрдөг. Гэтэл Улаанбаатар хотод өдөр 80, шөнө бүр ихсэж 115 децибелийн чимээ гаргаж байгаа аж. Иймд хиймэл оюун ухаан дээр суурилсан камераар хянаж торгох асуудлыг НИТХ хэлэлцэх гэж байна.
