Сонгинохайрхан дүүргийн гэмт хэргээс урьдчилан сэргийлэх ажлыг зохицуулах салбар зөвлөл, Цагдаагийн Ерөнхий газрын Хар тамхитай тэмцэх газар, СХД-ийн Прокурорын газартай хамтран СХД-ийн 43 хорооны хамтарсан багийн бүрэлдэхүүнд сургалт зохион байгууллаа.
Сургалтын үеэр хар тамхины хор хөнөөлөөс урьдчилан сэргийлэхэд хамтарсан багийн оролцоо, өсвөр насны хүүхдүүдэд тавих хараа хяналтыг сайжруулах, сэрэмжлүүлэх, урьдчилан сэргийлэх ажлыг нэгдсэн төлөвлөгөөтэйгөөр зохион байгуулах талаар хамтарсан багийнхан мэдээлэл солилцсон байна.
Энэ үеэр СХД-ийн Иргэдийн Төлөөлөчдийн Хурлын дарга Б.Золбоо “Гэмт хэрэг, зөрчлөөс урьдчилан сэргийлэх нь дан ганц цагдаагийн байгууллагын ажил биш. Үүнд, төрийн шат шатны байгууллагуудын оролцоо чухал гэдгийг онцлов. Мөн хороодын хэсгийн ахлагч, нийгмийн ажилтан, цагдаагийн хэсгийн байцаагчдын ажлын уялдаа холбоо, мэдээллийн урсгалыг сайжруулах, мэдлэг, мэдээллийг дээшлүүлэх шаардлагатай байгаа” гэлээ.
.jpg)
