АНУ-ын Ерөнхийлөгчөөр хоёр дахь удаагаа сонгогдсон Дональд Трампын тангараг өргөх ёслол өнөөдөр /2025.01.20/ боллоо.
Тэрбээр тангараг өргөх үеэрээ хэлсэн үгэндээ олон захирамжид гарын үсэг зурахаа амлаж, "түүхэн хурд, хүч чадлаар хөдөлнө” гэсэн байна. Мөн тэрбээр Бүгд найрамдах нам, ерөнхийлөгчийн эрх мэдлээ ашиглан олноор нь албадан гаргах ажиллагааг эхлүүлж, олон янз байдлын хөтөлбөрүүдийг зогсоохын тулд өргөн хүрээний асуудлаар нэг талт үйл ажиллагаа явуулахаа амлав.
Түүнчлэн, "Бид Америкийг нэгдүгээрт тавьж ажиллах бөгөөд маргааш бүх зүйл эхэлнэ. Байдены засаг захиргааны бүх радикал, тэнэг тушаалууд тангараг өргөснөөсөө хойш хэдхэн цагийн дотор хүчингүй болно" гэжээ.
Трамп даваа гарагт 200 гаруй гүйцэтгэх албан тушаалд гарын үсэг зурах төлөвтэй байгаа бөгөөд хиймэл оюун ухааны хөтөлбөрүүдийг эрчимжүүлж, Засгийн газрын үр ашигтай байдлын хэлтэс байгуулж, 1963 онд Жон Кеннедигийн аллагатай холбоотой бүртгэлийг бэлэн болгож, пуужингийн довтолгооноос хамгаалах бамбайг бий болгоход цэрэг армиа удирдан чиглүүлж, олон талт байдлыг арилгах болно гэж тангарагийнхаа үеэр хэлсэн байна.
Эх сурвалж: BBC
