32 дахь удаагийн зуны олимпын наадам өндөрлөхөд хэдхэн хоног үлдээд байна. Манай улсын зарим тамирчны хувьд тэмцээнээ аль хэдийн дуусгаад буй. Тухайлбал, 3х3 сагсан бөмбөгийн эмэгтэй шигшээ баг, хүндийн өргөлт, жүдо бөх, усанд сэлэлтийн төрлүүдэд оролцсон тамирчдын тэмцээн дууссан бөгөөд маргааш эх орондоо ирэхээр болжээ. Тэгвэл олимп үзэхээр Япон улсыг зорьсон Ерөнхийлөгч асан Х.Баттулга тэдэнтэй хамт эх орондоо ирнэ хэмээн эх сурвалж мэдээллээ.
