Сүхбаатар дүүргийн гуравдугаар хорооны нутаг дэвсгэрт үйл ажиллагаа явуулдаг “Cante” шөнийн цэнгээний газрын гадна долдугаар сарын 18-19-нд шилжих шөнө “Эрэл” ХХК-ийн үүсгэн байгуулагч Б.Эрдэнэбатын хүү Э.Тэмүүлэн, УИХ-ын гишүүн асан “GEM” группын эзэн, Улсын гарди Ц.Цэрэнпунцагийн хүү Ц.Санжаачойпэл, “Таванбогд” группын захирал Ц.Баатарсайханы хүү Б.Амарсайхан нар иргэн С-ыг бүлэглэн зодож, хүнд гэмтэл учруулсан хэрэг гарсан билээ.
Улмаар Э.Тэмүүлэн, Ц.Санжаачойпэл, Л.Алтан-Очир нарыг яллагдагчаар татагдан, нэг сарын хугацаатайгаар цагдан хорих таслан сэргийлэх арга хэмжээ аваад байгаа. Харин зодооны хэрэгт холбогдсон Б.Амарсайханыг яллагдагчаар татсан ч улсын хилээр гарч явсан тул интерполоор эрэн сурвалжилж байгаа гэх мэдээлэл бий.
Тэгвэл Б.Амарсайханы гүйцэтгэх захирлаар ажилладаг “Говь” ХК ирэх есдүгээр сарын 08-ны өдөр хувьцаа эзэмшигчдийн ээлжит бус хурал хийхээр зарласан байна. Уг ээлжит бус хурлаар "Компанийн хэлбэрийг өөрчлөх", "Компанийн дүрмийг шинээр батлах" аж. Харин уг хуралд “Говь” ХК-ийн гүйцэтгэх захирал Б.Амарсайхан оролцох эсэх нь одоогоор тодорхойгүй байгаа юм.
 (1).jpg)
.jpg)
