АНУ-ын Засгийн газар TikTok-ийг эзэмшигч Хятадын ByteDance компаниас маргааш /2025.04.05/ гэхэд Америкийн үйл ажиллагаагаа зарахыг шаардсан. Харин энэ хугацаа дуусах дөхөж байгаа ч ByteDance компани TikTok-ийг худалдах төлөвлөгөөгүй гэдгээ мэдэгдсэн байна.
TikTok-ийг худалдан авах сонирхолтой компаниудын дунд Oracle, Amazon, OnlyFans-ийн үүсгэн байгуулагч Тим Стокли зэрэг нэр бүхий компаниуд багтаж байгаа юм. Тухайлбал, Oracle компани хувийн хөрөнгө оруулалтын Blackstone фирмийн дэмжлэгтэйгээр TikTok-ийн ихэнх хувийг худалдан авч, ByteDance-ээс алгоритмыг нь түрээслэх санал тавьжээ.
Мөн AppLovin компани TikTok-ийн Хятад улсаас гаднах үйл ажиллагааг худалдан авах сонирхлоо илэрхийлсэн байдаг. АНУ-ын ерөнхийлөгч Д.Трамп Хятадын импортын тарифыг 54 хувь хүртэл нэмэгдүүлж, үүнийг TikTok-ийн борлуулалтыг шахах хэлэлцээнд ашиглаж байна гэж мэдэгджээ. Эдгээр үйл явдлуудын үр дүнд TikTok-ийн АНУ дахь ирээдүй тодорхойгүй хэвээр байна.
