АНУ-ын Үндэсний аюулгүй байдлын зөвлөх Майк Вальцын баг гадаад бодлогын асуудлаар харилцахын тулд Signal мессенжерт дор хаяж 20 нууц чат үүсгэсэн талаар Politico мэдээлжээ. Эдгээр чатууд нь Украйны дайн, Хятадтай харилцах бодлого, Газын зурвас дахь нөхцөл байдал зэрэг АНУ-ын гадаад бодлогын чухал асуудлуудыг хэлэлцэхэд ашиглагдсан байна.
Гуравдугаар сарын сүүлчээр Цагаан ордны дээд албан тушаалтнууд Йемений хуситуудыг цохилт өгөх талаар ярилцаж байх үед Вальц санамсаргүйгээр Signal-н нууц чатын бүлэгт The Atlantic сэтгүүлийн нэг редакторыг нэмсэн байна. Үүнээс үүдэн уг чатуудын талаар хэвлэлүүд олж мэдсэн байна.
Энэхүү мэдээлэл ил болсны дараа Politico сэтгүүлийн сэтгүүлчид Вальцын багийн үүсгэсэн нууц чатуудын дөрвөн оролцогчтой ярилцсан байна. Тэдний мэдээлснээр, Хоёр эх сурвалж "доод тал нь 20 нууц чат байдаг"-ийг мэддэг гэсэн бол дөрвөн эх сурвалж "бүгд эдгээр чатууд дээр нууц мэдээлэл хэлэлцэгддэг" гэжээ.
Харин Politico-ийн нэрээ нууцалсан эх сурвалжийн хэлснээр, "Вальц Үндэсний аюулгүй байдлын зөвлөлийн бүхэл бүтэн харилцааны үйл явцыг Signal мессежийн аппликейшны эргэн тойронд бий болгосон" гэжээ. Энэ нь АНУ-ын Үндэсний аюулгүй байдлын зөвлөлийн албан ёсны сувгуудыг тойрон гарч, аюулгүй байдлын дүрэм зөрчигдөж болзошгүй гэсэн болгоомжлолыг төрүүлж байгаа аж.
Эх сурвалж: Politico, The Atlantic
