Гуравдугаар сарын 25 /2025.03.25/-нд Литва улсын Пабраде хотын ойролцоох Генерал Сильвестрас Жукаускасын нэрэмжит сургуулилтын талбайд болсон сургуулилтын үеэр сураггүй болсон дөрөв дэх америк цэргийн цогцсыг өчигдөр /2025.04.01/ олжээ.
Тодруулбал, АНУ-ын 3-р явган цэргийн дивизийн 1-р хуягт бригадын тулааны багийн дөрвөн цэрэг M88A2 Hercules хуягт сэргээн засварлах машинтайгаар эвдэрсэн тактикийг засварлах, чирэх үүрэгтэйгээр сургуулилтад оролцож байхдаа сураггүй болсон юм. Иймд АНУ, Литва, Польшийн зэвсэгт хүчин, орон нутгийн эрх баригчид хамтран эрэн хайх ажиллагаа явуулж гуравдугаар сарын 26-нд 63 тонн жинтэй M88A2 Hercules хуягт машиныг 4.5 метрийн гүнтэй усанд живсэн байхад нь олсон байдаг. Харин 3 дугаар сарын 31-нд гурван цэргийн цогцсыг олж, дөрөв дэх цогцсыг өчигдөр олжээ.
Энэхүү хэрэг явдлын талаар 3-р явган цэргийн дивизийн командлагч Кристофер Норри, “Энэ долоо хоног үнэхээр хүнд байлаа. Өнөөдөр бидний зүрх сэтгэл эцсийн цэргээ алдсанаар хүндэрч байна. Бид тодорхой хэмжээнд хаалт авчирсан ч, тэдгээргүйгээр дэлхий илүү харанхуй байна" гэж мэдэгдсэн бол Литва улсын ерөнхийлөгч Гитанас Науседа, АНУ-ын ерөнхийлөгч Дональд Трамп болон Америкийн ард түмэнд эмгэнэл илэрхийлжээ. Харин өдгөө осол гарсан шалтгааныг тодруулахаар мөрдөн байцаалт үргэлжилж байна.
Эх сурвалж: Reuters
