АНУ-ын засаг захиргаа Украины мөргөлдөөнийг зохицуулахын тулд Москва, Киевтэй идэвхтэй хамтран ажиллаж байгаа бөгөөд ерөнхийлөгч Д.Трамп энэ асуудалд өдөр бүр анхаарал хандуулж байна гэж Цагаан ордны хэвлэлийн нарийн бичгийн дарга Каролин Левит мэдэгджээ.
Цагаан ордны хэвлэлийн төлөөлөгчийн хэлснээр, “Манай баг Орос, Украины иргэдтэй хамтран ажилласаар байна. Ерөнхийлөгч энэ чиглэлээр өдөр бүр маш идэвхтэй ажиллаж байна” гэжээ. Гэсэн хэдий ч тэрээр Д.Трамп мөргөлдөөнд оролцож буй аль аль талын байр суурьт бүрэн сэтгэл хангалуун бус байгаа гэдгийг онцолжээ. Учир нь АНУ-ын зүгээс энх тайвныг тогтоох чиглэлд тодорхой алхмууд хийж байгаа ч Орос, Украины дунд харилцан үл ойлголцол байсаар байгаа юм. Тиймээс цаашид Вашингтоны зуучлал энхийн хэлэлцээрт хэрхэн нөлөөлөх нь олон улсын анхаарлын төвд байна.
Эх сурвалж: BBC
