Европын холбоо, Дани, Литва, Швед зэрэг улсууд Украинд 16.7 сая еврогийн санхүүжилт олгохоор болжээ. Энэхүү санхүүжилт нь Украины Европын Холбоонд элсэх үйл явцыг дэмжих зорилготой “Ukraine2EU”хөтөлбөрийн хүрээнд олгогдож байгаа аж.
Гурван жилийн хугацаатай “Ukraine2EU” хөтөлбөр нь Украинд стратегийн болон шинжээчийн дэмжлэг үзүүлэх бөгөөд Европын Холбооны гишүүнчлэлд ойртох чиглэлээр шаардлагатай шинэчлэлийг хэрэгжүүлэхэд туслах юм. Энэхүү санхүүжилт нь Украины засгийн газрын холбогдох байгууллагуудын чадавхыг бэхжүүлж, Европын холбооны стандарт, шаардлагад нийцсэн өөрчлөлтүүдийг хийхэд чиглэж байгаа гэж албаны хүмүүс онцолжээ. Украин улс Европын Холбооны гишүүнээр элсэхийн тулд шаардлагатай өөрчлөлтүүдийг шат дараатай хэрэгжүүлж байгаа бөгөөд уг хөтөлбөр нь энэ үйл явцыг хурдасгах нэгэн чухал алхам болж байгаа аж.
Эх сурвалж: BBC
