Өнөөдөр /2021.05.24/ Ерөнхийлөгчийн сонгуульд нэр дэвшигч У.Хүрэлсүх, С.Эрдэнэ, Д.Энхбат нар Сонгуулийн ерөнхий хорооноос “нэр дэвшигчийн үнэмлэх”-ээ гардан авч, сонгуулийн сурталчилгаагаа албан ёсоор эхлүүллээ.
Тэгвэл дээрх гурван нэр дэвшигчийн “ерөнхий менежер”-ээр ажиллах гурван эрхэмд мөн СЕХ-ноос үнэмлэх гардуулсан юм.
Тухайлбал, МАН-аас нэр дэвшигч У.Хүрэлсүхийн сонгуулийн ерөнхий менежерээр тус намын ЕНБД Б.Амарбаясгалан ажиллах юм байна. Харин АН-аас нэр дэвшигч С.Эрдэнийн менежерээр тус намын хэлтсийн дарга Д.Эрдэнэсувд, харин ХҮН-аас нэр дэвшигч Д.Энхбатын менежерээр УИХ-ын гишүүн Т.Доржханд ажиллахаар болж, СЕХ-ноос үнэмлэх гардаж авлаа.
