Япон улсын Засгийн газрын буцалтгүй тусламжаар НҮБ-ын Хүүхдийн сан (UNICEF) дамжуулан Монголын хүн амын 1.3 сая хүнд шаардлагатай тун вакцин нийлүүлэх хоёр үе шаттай төсөл хэрэгжүүлэхээр болж өнгөрсөн сарын 11-ны өдөр талууд ноот бичигт гарын үсэг зурсан. Төслийн хүрээнд, цар тахал болон нийгмийн эрүүл мэндийн онцгой байдлын үеийн чадавхыг бэхжүүлэхэд чиглэсэн 21.5 сая ам.долларын буцалтгүй тусламж олгохоор болоод буй_
Ингэхдээ, хүн амын 1.3 сая хүнд шаардлагатай тун вакциныг нийлүүлэхээс гадна “хүйтэн хэлхээ”-г бүрдүүлэх тоног төхөөрөмжийн хангамжийг шийдвэрлэх юм.
Тэгвэл уг вакциныг хэзээ Монголд нийлүүлэх талаар Гадаад харилцааны яамны хэвлэлийн төлөөлөгч Л.Ариун-Учралаас тодруулахад "Япончууд ноот бичигт гарын үсэг зурахдаа л хэзээ өгөхөө мэдэгдээгүй. Тэгэхээр тав, зургадугаар сараас нийлүүлэх болов уу гэсэн хүлээлт байна" гэлээ.
Төслийн хүрээнд АстраЗенека болон Файзер, Модерна гэсэн гурван төрлийн вакцинаас оруулж ирнэ гэх мэдээлэл байгаа юм.
