Ардчилсан намын даргын сонгуулийн санал авах өдрийг энэ сарын 28-нд товлосон талаар тус намын Дотоод сонгуулийн хорооны дарга И.Мөнхжаргал мэдэгдсэн. Тэгвэл яг одоо “Сorporate” зочид буудалд АН-ын даргад нэр дэвшигчдийн "Цахим сонгууль"-ийн нээлт болж байна.
Энэ сарын 12-ноос эхлэн сонгуулийн сурталчилгаа үргэлжилж байгаа бөгөөд энэ хугацаанд нэр дэвшигчид гишүүд дэмжигчидтэйгээ цахимаар уулзаж, боловсруулсан мөрийн хөтөлбөрөө танилцуулж байгаа.Энэхүү сонгуульд Ардчилсан намын 200 мянган гишүүн санал өгөх эрхтэй бөгөөд олонхын санал авсан хүнийг намын даргаар сонгох юм.
