ОХУ-ын Ерөнхийлөгч Владимир Путин БНХАУ-ын удирдагч Ши Жиньпиний урилгаар энэ сарын 19-20-ны өдрүүдэд тус улсад албан ёсны айлчлал хийнэ гэж Кремлийн хэвлэлийн албанаас өнөөдөр мэдээллээ.
Энэхүү айлчлалыг хоёр улсын хооронд "Сайн хөршийн найрсаг харилцаа, хамтын ажиллагааны гэрээ" байгуулсны 25 жилийн ойг тохиолдуулан хийж байгааг онцолжээ. Айлчлалын хүрээнд хоёр улсын төрийн тэргүүн нар "Орос, Хятадын боловсролын жил"-ийг нээх ёслолд оролцоно.
Хэлэлцэх асуудлууд ба хүлээгдэж буй үр дүн
Кремлийн хэвлэлийн албанаас мэдээлснээр, В.Путин, Ши Жиньпин нар хоёр талын харилцааны асуудлууд, иж бүрэн түншлэл, хамтын ажиллагааг цаашид гүнзгийрүүлэх арга замуудыг хэлэлцэнэ. Түүнчлэн олон улсын болон бүс нутгийн тулгамдсан асуудлуудаар санал солилцоно. Яриа хэлэлцээний үр дүнд хоёр улсын удирдагчид хамтарсан мэдэгдэл гаргаж, засгийн газар, яамд хоорондын хэд хэдэн баримт бичигт гарын үсэг зурна гэж Кремль мэдээлжээ.
Айлчлалын хөтөлбөрийн хүрээнд В.Путин мөн БНХАУ-ын Төрийн зөвлөлийн Ерөнхий сайд Ли Чянтай уулзаж, хоёр улсын худалдаа, эдийн засгийн хамтын ажиллагааны хэтийн төлөвийн талаар хэлэлцэнэ.
