Хүүхдээ эндсэн гэж нөхөртөө худал хэлсэн гэх хэргийг цагдаагийн байгууллагаас шалгаж байгаа талаарх мэдээлэл өнөөдөр цацагдсан. Тэгвэл тухайн хэргийн талаар албан эх сурвалжаас тодруулахад "Цагдаагийн байгууллагад Баянзүрх дүүргийн 13 дугаар хороо Амгалан амаржих газраас гарахдаа хүүхдээ эндсэн гэж худал хэлсэн байна гэх дуудлага мэдээлэл бүртгэгдсэн. Шалгалтаар иргэн Н нь төрсөн хүүхдээ гэр бүлийн хүрээнд үүссэн асуудлаас болж бусдад өгөхгүй гэх зорилгоор худал хэлсэн асуудал тогтоогдсон. Тиймээс уг хэргийг гэмт хэргийн шинжтэй үйлдэл тогтоогдоогүй гэж үзээд хэрэг бүртгэлтийн хэрэг нээхээс татгалзах саналтай прокурорын хяналтад шилжүүлсэн" гэх мэдээллийг өглөө.
