УИХ-ын чуулганы нэгдсэн хуралдаанаар /2025.04.04/ Эрүүгийн хэрэг хянан шийдвэрлэх тухай хуульд нэмэлт өөрчлөлт оруулах тухай хуулийн төсөл /хэлэлцэх эсэх/ болон бусад холбогдох хуулийн төслийг хэлэлцэж байгаатай холбоотойгоор гишүүд Хууль зүй дотоод хэргийн сайд О.Алтангэрэл болон ажлын хэсгийн гишүүдэд асуулт тавьж, хариулт авч байна.
ВИДЕО:
УИХ-ын гишүүн Н.Номтойбаяр: Хууль зүй дотоод хэргийн сайд О.Алтангэрэлийн өргөн мэдүүлж байгаа Эрүүгийн хэрэг хянан шийдвэрлэх тухай хуульд нэмэлт өөрчлөлт оруулах хуулийн төслийг дэмжиж байна. Сэжигтэн яллагдагчаар татагдчихдаг. Хуульд хүний эрхийг тусгаад хэм хэмжээг нь зааглаад өгсөн ч амьдрал дээр хуульд заасан шигээ хэрэгжилт нь хангагддаггүй. Хуулийн байгууллагын зүгээс тухайн иргэнийг төөрөгдүүлэх, айлгах, сүрдүүлэх, хуурах, хууль эрхзүйн мэдлэг муутайг нь далимдуулж эрхийг нь цаад утгаараа хохироох асуудал өдөр бүр гардаг болсон.
Хүний эрхийн эрхзүйн хөгжилтэй эрүүгийн хэрэг хянан шийдвэрлэх хууль хэр хэмжээнд дүйцэж байгаа вэ. Адаглаад сая Д.Цогтбаатар нарын 9 гишүүний хуулийн төслийг хэлэлцэх эсэхийг дөнгөж сая хуулиар шийдлээ. Би бол хүний эрхийг бүрэн хангалттай хангах хууль биш гэж харж байна. Хэрвээ энэ хууль өмнө нь батлагдаад хүчин төгөлдөр мөрдөгдөж байсан бол сая олон нийтийн дунд шуугиан болсон Ноорог гээд хэдэн залуучуудтай асуудал гарсан. Хуульд заасан процесс, цагдаагийн байгууллагын ажиллаж байгаа арга барил, мэдээллээ үндэс суурьтай нягталж байгаа байдал, мэргэжлийн ур чадвар маш сул харагдсан. Хэрэв энэ хууль хүчин төгөлдөр байсан бол Ноорогийн асуудалтай жишиж үзэхэд хэрхэн бодит амьдрал дээр өрнөх байсан бол.
-ТҮР СААТУУЛАХ БОЛОН ХОРИГДОХ СТАТУСТАЙ ИРГЭДИЙН 60 ХУВЬ НЬ УЛСААС ӨГСӨН ӨМГӨӨЛӨГЧИЙГ АВДАГ Ч ТЭДГЭЭР ӨМГӨӨЛӨГЧИД НЬ ХАЯАД ЯВЧИХДАГ АСУУДАЛ БИЙ-
Гуравт, иргэдийг сэжигтэн яллагдагчаар татчихдаг. Тэдгээр хүмүүс санхүүгийн хүндрэл бэрхшээлээс үүдэлтэй хувийн өмгөөлөгч хөлсөлж авч чаддаггүй. Харамсалтай нь нөгөө өмгөөлөгч эрх үүргээ хариуцлагатай гүйцэтгэдэггүйн улмаас тухайн хүн маш ихээр хохирдог. Түр саатуулах болон хоригдох статустай залуусын дийлэнх нь 60-аад хувь нь улсаас олгогдсон өмгөөлөгчөөр эрхээ хамгаалуулдаг. Нөгөөдүүл нь мартаад явчихдаг. Хэрэгтэй нь танилцдаггүй. Ийм учир дутагдалтай зүйл бий.
