Эрүүл мэндийн даатгалын үндэсний зөвлөлөөс "Хорт хавдрын дааврын эмийн эмчилгээний төлбөрийг Эрүүл мэндийн даатгалын сангаас 100 хувь хариуцна" гэсэн тогтоол гаргаснаар хорт хавдрын дааврын эмийн эмчилгээний төлбөрийг Эрүүл мэндийн даатгалын сангаас 100 хувь хариуцдаг болжээ.
Хорт хавдрын химийн эмчилгээ нь химийн эмчилгээ болон бай эмчилгээ гэсэн хоёр төрөлтэй бөгөөд 2024 онд хорт хавдрын дархлаа эмчилгээ шинээр орж ирсэн. Энэхүү шинэ эмчилгээг зөвхөн ЭМД-ын гэрээгээр Хавдар судлалын эмнэлэг дээр хийж эхэлсэн байна. Хорт хавдрын үед хэрэглэдэг дааврын эмчилгээний хувьд тухайн эмийг оношийн хамааралтай бүлэг буюу хэвтүүлэн эмчлэх аль алинд нь оруулах боломжтойгоор эрүүл мэндийн даатгалын цахим системд ирүүлсэн мэдээлэлд үндэслэн, өртгийн тооцоолол хийдэг ажээ.
