Монголын Үндэсний Допингийн Эсрэг Байгууллагаас Дархан аварга Н.Батсуурь, аварга О.Хангай, Улсын арслан Б.Орхонбаяр нараас допингийн шинжилгээг цусаар авсан талаар бид өмнө нь мэдээлсэн.
Тэгвэл дээрх нэр бүхий бөхчүүдээс допингийн шинжилгээг шээс, цусаар гурван удаа давтан авсан байна. Тодруулбал, Дархан аварга Н.Батсуурь, аварга О.Хангай, Улсын арслан Б.Орхонбаяр нараас өнгөрсөн арваннэгдүгээр сарын 21-ний өдөр допингийн шинжилгээг шээснээс авсан бол гуравдугаар сарын 15-ны өдөр Б.Орхонбаярын цуснаас, гуравдугаар сарын 25-ны өдөр Н.Батсуурь, О.Хангай нарын цуснаас, мөн гуравдугаар сарын 27-ны өдөр Б.Орхонбаяр, Н.Батсуурь нарын шээснээс допингийн шинжилгээ тус тус давтан авчээ. Тэдний шээсний шинжилгээнээс допингийн төрлийн бодис илрээгүй бол, цусны шинжилгээний хариу гарах болоогүй байгаа аж.
