БНСУ-ын Гунсанд үйлдвэрлэсэн Шиндунгжин будааг энэ сарын 8-ны өдөр Монголд анх удаа экспортоллоо.
Энэхүү экспортыг “2024 онд хүнсний ургацын экспортыг дэмжих төсөл”-ийн хүрээнд хийж гүйцэтгэсэн бөгөөд тус бүр нь 90 тонн будааг Хятадаар дамжуулан Монгол Улсад дөрвөн удаа экспортлох аж. Тэр дундаа 1кг, 4кг, 10кг гэх гурван төрлийн савлагаатайгаар худалдаалагдах юм.
Гунсан хотын Хөдөө аж ахуйн технологийн төвийн технологи түгээлтийн хэлтсийн дарга Ким Сан Ги хэлэхдээ, “Үйлдвэрлэлийн газруудад цагаан будааны нөөц хэтэрсэн зэрэг хүнд нөхцөлд ийм экспортын гэрээ байгуулах нь будааны тариаланчдад ихээхэн тус болно. Бид сайн чанарын Гунсан будаа үйлдвэрлэж, гадаадад экспортоо өргөжүүлэх болно" гэжээ.
