Тажикистан улсын Душанбе хотод зохион байгуулагдах 2024 оны жүдо бөхийн залуучуудын дэлхийн аварга шалгаруулах тэмцээн өнөөдөр /2024.10.02/ эхэлж энэ сарын 5-ны өдөр хүртэл үргэлжилнэ.
Энэхүү тэмцээнд Монгол улсаас эрэгтэй 6, эмэгтэй 8 нийт 14 тамирчин, 2 дасгалжуулагч нийт 18 хүний бүрэлдэхүүнтэйгээр оролцох юм. Багийн бүрэлдэхүүнд 2022, 2024 онуудад өсвөр үеийн ДАШТ-с алт, мөнгө, хүрэл медалиуд хүртсэн тамирчид өрсөлдөх аж.
Тодруулбал, Эрэгтэй багийн бүрэлдэхүүнд:
Өнөрбатын Жанцандорж. -60 кг
Мөнхжаргалын Тэргэлсар. -60 кг
Баатарцогтын Мөнгөнхуяг. -66 кг
Жүгдэргаравын Энхтөр. -73 кг
Нэргүйн Жангарай. -81 кг
Очирын Гэрэлтбаяр. +100 кг
Эмэгтэй багийн бүрэлдэхүүнд:
Жамсрангийн Анударь. -48 кг
Мягмарсүрэнгийн Нандин-Эрдэнэ. -52 кг
Баянмөнхийн Уранзаяа. -52 кг
Тэрбишийн Ариунзаяа. -57 кг
Оюунгэрэлийн Оюунчимэг. -57 кг
Дарханбатбаярын Есүй. -63 кг
Батсуурийн Ням-Эрдэнэ. -70 кг
Отгонбаярын Хүслэн. -78 кг-ын жинд тус тус өрсөлдөх юм.
Дашрамд, Душанбегийн дэлхийн аваргад 67 орны 539 тамирчид оролцож байна.
