"Чэндү-2021" дэлхийн "Универсиад" наадмын сагсан бөмбөгийн төрөлд өрсөлдөж буй манай эрэгтэй баг өчигдөр эхний тоглолтдоо Румынд 62:81-ээр хожигдсон. Тэгвэл манай залуус өнөөдөр хоёр дахь тоглолтдоо ӨАБНУ-ын багийг 74:48-аар буулган авснаар эхний ялалтаа байгуулав.
Өмнөд Африкийн эсрэг манай багаас Т.Ууганбаяр 23 оноо, Г.Дөлгөөн 12 оноо авсан. Монголын баг маань маргааш хэсгийн сүүлийн тоглолтоо Аргентиний хүчирхэг багтай хийнэ.
