Замын хөдөлгөөний удирдлагын төвөөс замын хөдөлгөөний эрчим оргил үедээ хүрч байгаатай холбогдуулан энэ наймдугаар сарын 27 /2022.08.27/ буюу энэ долоо хоногийн Бямба гаргаас эхлэн есдүгээр сарын 03 /2022.09.03/-ны өдрийг дуустал Улаанбаатарт 08:00-20:00 цагийн хооронд тээврийн хэрэгслийн хөдөлгөөнийг хязгаарлахаар болсон.
Тэгвэл өнөөдөр буюу наймдугаар сарын 27-ний өдөр улсын дугаар нь сондгой тоогоор төгссөн автомашинууд 08:00-20:00 цагийн хооронд хөдөлгөөнд оролцоно. Мөн наймдугаар сарын 27, 29, 31, есдүгээр сарын 2-ний өдрүүдэд 1,3,5,7,9 буюу сондгой дугаараар төгссөн автомашинууд хөдөлгөөнд оролцоно. Харин наймдугаар сарын 28, 30, есдүгээр сарын 1, 3-ний өдрүүдэд 0,2,4,6,8 буюу тэгш дугаараар төгссөн автомашинууд хөдөлгөөнд оролцоно.