Дэлхийн хүнд жингийн боксын аварга асан Энтони Жошуа авто ослын улмаас бага зэргийн гэмтэл авсан бөгөөд уг ослын улмаас түүний ойрын хамтрагчид амиа алдсан тухай Нигерийн эрх баригчид даваа гарагт мэдэгдлээ.
Осол орон нутгийн цагаар өглөөний 11 цагийн орчимд Нигерийн Огун мужийг Лагосын худалдааны төвтэй холбодог, хөдөлгөөн ихтэй Лагос–Ибадан хурдны зам дээр гарсан талаар Огун мужийн цагдаагийн газар мэдээлжээ. Огунд Жошуагийн хамаатнууд амьдардаг аж. Жошуагийн баруун мөр бага зэрэг няцарсан бол автомашинд хамт байсан хоёр хүн буюу түүний дотны найзууд болох Сина Гами, Кевин Латиф Айоделе нас барсан байна.
ВИДЕО:
