Улс төрийн намууд УИХ-ын 2020 оны сонгуульд оролцох хүсэлтээ өнөөдөр СЕХ-нд хүргүүлж байна. Тэгвэл энэ жилийн УИХ-ын сонгуульд бие дааж өрсөлдөх хүмүүс Үндэсний аудитын газарт мөрийн хөтөлбөрөө өгчээ. Тухайлбал Ерөнхий сайд асан Н.Алтанхуяг, Хотын дарга асан Э.Бат-Үүл нар энэ жилийн сонгуульд бие дааж өрсөлдөнө гэж Үндэсний аудитын газарт материалаа өгсөн байна.
Э.Бат-Үүл энэ тухай тодруулгадаа “АН-ын жинхэнэ дарга З.Энхболд тэргүүтэй, Ардчиллын дайснуудтай тэмцэхийн тулд би бие дааж дэвшихээр шийдсэн. Би З.Энхболдыг хаана нэр дэвшинэ тэнд очиж бие дааж нэр дэвшинэ” гэв.
Манай намын “жинхэнэ” дарга З.Энхболд мэтийн ардчиллын дайснуудтай тэмцэхээр УИХ-ын сонгуульд бие дааж нэрээ дэвшүүлэхээр шийдэж хүсэлтээ өглөө! Намынхаа залууст Зи-г зайлуул гэж сануулсан байхаа...?!
— Эрдэнийн Бат-Үүл (@E_BatUul) April 24, 2020
