Филиппиний төв хэсэгт орших Канлаон уул өнөөдөр /2025.04.08/ дэлбэрч, 4,000 метрийн өндөрт үнсний баглаа үүсгэжээ. Харин дэлбэрэлтээс үүссэн үнс ойролцоох дөрвөн тосгонд тархаж, сургуулийн үйл ажиллагааг түр зогсооход хүргэсэн байна.
ВИДЕО:
🌋 Philippine volcano erupts, sending ash plume 4,000 meters high
— NEXTA (@nexta_tv) April 8, 2025
A volcano in the central Philippines erupted early Tuesday, releasing a massive ash plume reaching 4,000 meters (2.5 miles) high. The Philippine Institute of Volcanology and Seismology (Phivolcs) has maintained… pic.twitter.com/2mwZvV4EKg
Гэсэн хэдий ч одоогоор хүний гэмтэл, бүтцийн эвдрэл гараагүй гэж албаны хүмүүс мэдээлжээ. Мөн Филиппиний "Phivolcs" гэх институтийн дарга Тересито Баколкол Канлаон уулын 6 км радиуст орших иргэдийг сэрэмжтэй байж, аюултай бүсээс зайлсхийхийг зөвлөсөн байна. Учир нь Филиппиний тус институт өнгөрөгч 12-р сараас хойш Канлаон ууланд анхаарлын III түвшинг тогтоогоод байсан бөгөөд энэ түвшин нь лавын урсгал болон аюултай дэлбэрэлт болох өндөр эрсдлийг илэрхийлдэг ажээ. Сонирхуулахад. Канлаон уул нь Филиппиний 24 идэвхтэй галт уулын нэг бөгөөд өмнө нь 1996 онд гэнэтийн дэлбэрэлтээр гурван уулчин амиа алдаж байжээ.
Эх сурвалж: AP News
