Тэшүүрийн спортоор хичээллэдэг ах дүүс болох Т.Тэмүүлэн, Т.Амингоо нарыг бид энэ уда анцлон ярилцлаа. Тэдний хувьд залуусын улсын аваргаас хоёулаа алтан мдаль хүртсэн бөгөөд Монгол улсын олон дээд амжилтуудыг шинэчлэн тогтоож байжээ. Тэд Булган аймгийн Баяннуур суманд төрж өссөн нь тэшүүрээр хичээллэх гол түлхэц болсон бөгөөд сумтайгаа ойрхон байдаг мөсөн дээр өдөр болгон очиж гулгадаг байсан гэнэ. Харин одоо тэд шорт трекийн төрлийн мундаг тамирчид болсон. Ингээд тэдний ярилцлагыг хүлээнэ авна уу.
ВИДЕО:
-ДҮҮ Т.АМИНГОО НЬ 11 НАСАНДАА ДЭД МАСТЕРЫН БОЛЗОЛ ХАНГАСАН БОЛ АХ Т.ТЭМҮҮЛЭН НЬ ЗАЛУУЧУУДЫН ДЭЛХИЙН АВАРГАД ОРОЛЦОХ ЭРХЭЭ АВЧЭЭ-
Т.Тэмүүлэн 130 дугаар сургуулийн 11а ангид сурдаг бол дүү Т.Амингоо нь Булган аймгийнхаа Баяннуур сумын 6-р ангийн сурагч. Ах Т.Тэмүүлэнгийн хувьд 2022 оны зунаас зунаас эхлэн тасралтгүй тэшүүрийн спортоор хичээллэж эхэлсэн бөгөөд Т.Амингоо нь ахыгаа хараад тэшүүрээр гулгаж үзмээр санагдаж 7 настайгаасаа эхлэн энэ спорт руу эргэлт буцалтгүй оржээ.
Баяннуур сумын хүүхдүүд түлхүү мөсөн дээр гулгаж, тэшүүрийн спортод аймаг сумынхаа нэрийг өндөрт өргөсөөр ирсэн. Учир нь тэдний суманд нь нуур байдаг бөгөөд өвөл нь технологийн хичээл дээрээ нуурын мөс цэвэрлэж дүн аваад өдөржингөө үргэлжлүүлээд гулгачихдаг байсан талаараа бидэнд ярьсан юм.
Дүү Т.Амингоогийн хувьд Монгол Улсын рекордыг долоон удаа шинэчлэн тогтоож, үнэмлэхүй амжилтыг гаргасан бөгөөд багаасаа л хэрсүү, шартай, шазруун охин байсан гэнэ.
Түүний хувьд саяхан БНХАУ-д болсон тэмцээнд амжилттай оролцож, 11 насандаа спортын дэд мастер цолны болзол хангаад байна.
Ах нь түүний хамгийн сайн зөвлөгч учраас тэмцээнийн дараа нь маш олон зүйлийг зөвлөдөг аж. Т.Тэмүүлээгийн хувьд “дүү маань багаасаа их сайн гарч ирсэн учраас өөрийнхөө мэдсэн сурсан зүйлээ дүүдээ зааж өгч, үеийнхнээсээ илүү сайн байгаасай гэж хүсдэг” гэсэн юм.
-ТЭД ХАМТДАА ОЛИМПОД ОРОЛЦОХ МӨРӨӨДӨЛТЭЙ-
Ах Т.Тэмүүлэн БНХАУ-д болсон тэшүүрийн тэмцээнд мөн л оролцож, Дэлхийн залуучуудын аваргад оролцох боломжоо хангаад байна. Мөн Т.Амингоо энэ жилийн хүүхдийн спортын их наадмын 500-1000 метрт алтан медаль хүртсэн бол шрот трекийн төрөлд ах нь гурван алт, хоёр хүрэл медаль хүртжээ.
Ах дүүс хамтдаа медалийн тавцанд зогсож байхдаа аав ээжийнхээ бахархаж байгааг харах хамгийн сайхан байдаг талаараа ч мөн ярьсан.
Тэд нэгнээ хурцалж, бас тайвшруулдаг. Тэмцээнд хожигдоод ороод ирэхэд нь “зүгээр дээ. Юунд гунигладаг юм” гээд тайвшруулна.
Мөн нэгнээ хурцалж, хор шарыг нь ч малтана. Энэ л магад тэдний амжилтын нууц байх.
Тэшүүрийн хэрэгслүүд үнэтэй. Нэг тэшүүрийг 90 гаруй саяар авдаг бол тэшүүрийн ир нь 3 саяас эхэлдэг гэнэ. Мөн гутал нь хэвийн, үгүйгээс шалтгаалаад 2 сая төгрөг байдаг аж. Тэд улсаас ямар нэгэн зардал мөнгө авдаггүй бөгөөд зөвхөн ээж аав нь л өдий зэрэгтэй болгож, хамаг бэлтгэлийн зүйлийг нь бэлтгэж өгдөг аж. Т.Тэмүүлэн, Т.Амингоо нар тэшүүрээрээ тууштай хичээллээд хамтдаа олимпод оролцохыг мөрөөддөг бөгөөд чанартай, дэлхийн түвшний хүмүүстэй уралдаж үзэхийг хүсэж байгаа гэдгээ ярьсан юм.
