Чехийн дээд лигийн “Ческе Будеёвице Динамо” клуб өнөөдөр хоёр тоглогчтой шинэ гэрээ байгуулснаа зарласан бөгөөд тэдний нэг нь монгол хөлбөмбөгийн тамирчин Г.Төгөлдөр юм.
Тэрбээр өдгөө 20 настай. Хөлбөмбөгийн "Арвис" клубээс тамирчны гараагаа эхлүүлсэн бөгөөд 2020 онд Чехэд хөл тавьж, орон нутгийн "Табор" клубт тоглож эхэлсэн бөгөөд 2022 онд "Ческе Будеёвице" түүний авьяас чадварыг анзаарч, өөрсдийн академид авсан байна.
Энэ улиралд клубийнхээ Б багт найман тоглолтод оролцохдоо гурван гоол оруулсан бөгөөд одоогоор бэртэлтэй байгаа тул талбайд шууд гарах боломжгүй байгаа аж.
