Дэлхийн хамгийн өндөр настай хүн Жон Тиннисвуд Гиннесийн амжилтын номоос (GWR) мягмар гарагт мэдээлснээр Английн Саутпорт дахь асрамжийн газарт даваа гарагт нас барсан байна.
Тодруулбал "Түүний сүүлчийн өдөр хөгжим, хайраар хүрээлэгдсэн байсан" гэж гэр бүлийнхэн нь GWR-д өгсөн мэдэгдэлдээ дурдсан бөгөөд 1912 оны 8-р сарын 26-нд төрсөн Тиннисвуд Венесуэлийн 114 настай Хуан Висенте Перес нас барсны дараа 2024 оны дөрөвдүгээр сараас хойш дэлхийн хамгийн өндөр настай хүнээр тодорч байсан юм.
Мөн Жон Тиннисвуд “Бүх зүйлийг дунд зэрэг хий, хэрэв та хэт их ууж, хэт их идэж, хэт их алхаж байвал хэрэв та ямар нэг зүйлийг хэт их хийвэл эцэст нь зовох болно" гэж тэр хэлэв. Харин залуу үеийнхэнд хандан "Ямар нэгэн зүйл сурч байгаа эсвэл хэн нэгэнд зааж байгаа эсэхээс үл хамааран чадах бүхнээ хий" гэсэн аж. Түүнчлэн Тиннисвуд охин Сюзан, дөрвөн ач, гурван гучтай гэнэ. Түүний гэр бүлийнхэн нь “Жон олон сайхан чанаруудтай байсан. Тэрээр ухаалаг, шийдэмгий, зоригтой, аливаа хямралын үед тайван, математикийн авьяастай, сайн ярилцагч байсан” хэмээн дурсжээ.
Эх сурвалж: CNN
