Өчигдөр /2024.11.12/ АНУ-ын Spirit Airlines компанийн зорчигч тээврийн онгоцыг Гаитийн нийслэл Порт-о-Пренс хотын нисэх буудалд газардах үеэр галлажээ. Онгоц руу буудсаны улмаас онгоцны үйлчлэгч шархадсан тул нислэгийг Доминикан руу шилжүүлж буулгасан байна. Мөн Гаитигийн иргэний нисэхийн удирдах газар нисэх онгоцны буудалд агаарын хөдөлгөөний үйл ажиллагааг түр зогсоосон аж.
Эл үйл явдалтай холбоотойгоор АНУ-ын JetBlue болон American Airlines агаарын тээврийн компаниуд Гаити руу хийх болон буцах нислэгээ арванхоёрдугаар сарын 2-ны өдрийг хүртэл цуцалсан байна.
ВИДЕО:
Америкийн Spirit Airlines компанийн зорчигч тээврийн нисэх онгоц Гайтийн нийслэл Порт-о-Пренсийн нисэх онгоцны буудалд буух үеэр буудуулж, онгоцны үйлчлэгч хөнгөн шархадсан тул нислэгийг Доминикан руу шилжүүлж буулгасан гэнэ 👀. pic.twitter.com/LCzlYbUz5f
— Хүрлээ.Д (@Hurlee2) November 12, 2024
Эх сурвалж: CNN
