БРИКС-ийн бүлгийн орнуудын дээд хэмжээний 16-р уулзалт Казань хотноо эхэллээ. Уг уулзалтын үеэр БНХАУ-ын дарга Ши Жиньпин ОХУ-ын Ерөнхийлөгч Владимир Путин нар уулзжээ.
Энэ жил Хятад, Оросын хооронд дипломат харилцаа тогтоосны 75 жилийн ой тохиож байгаа бөгөөд хоёр орны удирдагч нар уулзалдах үеэр Ши Жиньпин хэлэхдээ, хоёр тал сайн хөршийн найрсаг харилцаа, иж бүрэн стратегийн зохицуулалт, харилцан ашигтай хамтын ажиллагааны үзэл санааг баримталж, олон салбар дахь стратегийн иж бүрэн түшлэлийг өргөжүүлсээр байгаад баяртай байна. Энэ нь хоёр үндэстний хөгжил, сэргэн мандалт, орчин үеийн хөгжилд хүчтэй түлхэц өгч, олон улсын шударга ёсыг сахин хамгаалахад чухал хувь нэмэр оруулсан. Өнөөдөр дэлхий ертөнц асар их өөрчлөлтүүдтэй тулгарч, үүний үр дүнд олон улсын байдал хурдацтай өөрчлөгдөж, үймээн самуунтай байна. Хятад, Оросын гүн гүнзгий, мөнхийн найрамдал өөрчлөгдөхгүй, тэдний үүрэг хариуцлага ч өөрчлөгдөхгүй гэдэгт итгэлтэй байгаагаа илэрхийлье.
Гадны ээдрээтэй, хүнд сорилтыг үл харгалзан хоёр талын худалдаа зэрэг салбарын хамтын ажиллагаа ахиж, томоохон хэмжээний хамтарсан төслүүд үйл ажиллагаагаа тогтвортой үргэлжлүүлж, "Бүс ба зам" санаачилгыг Евразийн бүс нутагтай уялдуулахыг хоёр улс цаашид ахиулах ёстой.
НҮБ-ын Аюулгүйн зөвлөлийн байнгын гишүүн, дэлхийн томоохон орнууд Хятад Орос хоёр тал стратегийн иж бүрэн зохицуулалтаа гүнзгийрүүлж, НҮБ, Шанхайн хамтын ажиллагааны байгууллага зэрэг олон талт хүрээнд харилцаа холбоо, зохицуулалтаа эрчимжүүлж, дэлхийн дайны талаарх зөв үзэл бодлыг ахиулах ёстой. Хоёрдугаарт, НҮБ төвтэй олон улсын тогтолцоог тууштай баримталж, дэлхийн стратегийн тогтвортой байдал, олон улсын шударга ёсыг хамтдаа хамгаална гэж найдаж байна.
Харин ОХУ-ын Ерөнхийлөгч В.Путин хэлэхдээ, Хоёр талын хамтын хүчин чармайлтын үр дүнд эрх тэгш байж, бие биенээ харилцан хүндэтгэж, харилцан ашигтай ажиллах үндсэн дээр Орос Хятадын хамтын ажиллагаа тасралтгүй ахиж байна. Ирэх жил Дэлхийн 2-р дайн дууссаны 80 жилийн ой тохиож байгаа бөгөөд Орос, Хятад хоёр дэлхийн фашизмын эсрэг дайнд ялалт байгуулахын тулд асар их золиослол хийсэн чухал явдлыг тэмдэглэхэд бэлэн байна.
Орос улс Хятад улстай олон улсын үйл хэрэгт нягт хамтын харилцаа, стратегийн харилцаа, зохицуулалтыг хэвээр хадгалж, олон улсын шударга ёс, дэлхийн стратегийн тогтвортой байдлыг хамгаалахад Хятад улстай хамтран ажиллахад бэлэн байна. Орос БРИКС-ийг даргалж байх хугацаанд Хятад улс дэмжлэг үзүүлсэнд талархал илэрхийлье" гэжээ.
Эх сурвалж: АНУ дахь БНХАУ-ын Консулын газар
