Өнгөрсөн Пүрэв /2023.04.06/ гаригт Монголын 17 хүртэлх насны эмэгтэйчүүдийн шигшээ баг Хонг Конгын шигшээг хүлээн авч нөхөрсөг тоглолт хийсэн. Тус улсын хөлбөмбөгийн түүхэнд мөнхөрсөн гайхалтай тоглолт болсон юм. Тоглолт монголчуудын шинээр барьсан “Air Dome”-д болсон анхны олон улсын нөхөрсөг тоглолт байв.
Салхи исгэрч, газар цасанд дарагдсан дөрөвдүгээр сарын эхэн үеийн хүйтэн цаг агаар монголын хөлбөмбөгийн спортод тийм ч таатай үе биш юм. Гэсэн хэдий ч ФИФА-аас санхүүжүүлсэн “Air Dome” саяхан дуусаж, асар том бүтэц нь битүү дээвэртэй учир тоглогчид Үндэсний шигшээ багийн бэлтгэлийн төвийн (ШБТХ) хөлбөмбөгийн талбайд тоглох боломжтой болжээ.
Монголын хөлбөмбөгийн холбоо (МХБХ)-ны Ерөнхий нарийн бичгийн дарга Дамбийжавын Тэрбаатар "Энэ тоглолт Хон К0онгын эсрэг “Агаарын Дом” дахь анхны олон улсын тэмцээн байсан. Манай багийн хувьд удахгүй болох AFC U-17 эмэгтэйчүүдийн Азийн цомын урьдчилсан шатны “В” хэсгийн тоглолтод бэлтгэхэд энэ тоглолт маш чухал байлаа” гэж FIFA.com сайтад ярьжээ.
"Air Dome” бол амжилттай хэрэгжиж буй FIFA Forward төсөл юм. Биднийг байнга дэмжиж байдаг МХБХ-ны нэрийн өмнөөс ФИФА-д чин сэтгэлээсээ талархаж байгаагаа илэрхийлье. Хөлбөмбөгийг дөрвөн улирлын турш тоглох боломжтой талбай гэдгийг баталгаажуулж байна. Энэ Агаарын Дом-д анхны олон улсын нөхөрсөг тоглолт хийсэн нь үнэхээр гайхалтай байсан. Гадаах орчин бүхэлдээ цасаар бүрхэгдсэн ч бид тоглолтдоо анхаарлаа хандуулж чадсан. Тус талбай биднийг цаашдын амжилтад хөөргөх тавцан болно гэж найдаж байна" хэмээн багийн ахлагч Биндэръяагийн Даваасүрэн тоглолтын дараа ярилцлага өгчээ.
Айлчлан ирсэн Хонг Конгын багийн ахлагч КО Пак Лин Люсиа "Хонг Конгод цас ордоггүй учраас би энд анх удаа цас харлаа. Энд тоглох үнэхээр гайхалтай, өвөрмөц санагдсан" гэжээ.
Шинэ Яармагт 2018-2021 онд “Агаарын Дом” гэгдэх битүү дээвэртэй хөлбөмбөгийн талбайг байгуулжээ. Харин МХБХ тэдний тоглолтыг дараагийн шатанд гаргахыг зорьж байгаа тул тус улсын цаг агаарын нөхцөл байдал, өвөл нь тэдэнд байнгын сорилтуудыг дагуулж байдаг. Арваннэгдүгээр сараас гуравдугаар сар хүртэл хасах “-15” - “-30” хэмийн хүйтэн жавартай үед жилийн таван сарын турш хөлбөмбөгийн бүх үйл ажиллагаа зогсдог. Иймд тогтвортой хөгжлийн алсын хараагаа хэрэгжүүлэхийн тулд МХБХ-ноос Үндэсний шигшээ багийн бэлтгэлийн төвд одоо байгаа хиймэл зүлгэн дээр “Агаарын Дом” босгох төлөвлөгөөгөө FIFA-д хүргүүлсэн.
ФИФА болон МХБХ-ны хамтарсан хүчин чармайлтын үр дүнд энэ онд 114м x 82м x 29м хэмжээтэй Агаарын бөмбөгөр баригдаж дууслаа. Гадна нэг мм зузаантай, дотор нь 0.5мм мембрантай, зэврэлтэд тэсвэртэй, -45С, -70С хүртэл температурыг тэсвэрлэх чадвартай талбайг бүтээжээ. ЭНД ДАРЖ унших.
ЭХ СУРВАЛЖ: FIFA.com
