"Нүүрсний хэрэг"-т холбогдсон гурван гишүүний бүрэн эрхийг түдгэлзүүлэх Ерөнхий прокурорын саналыг УИХ-аар хоёр долоо хоногийн өмнө хэлэлцсэн.
Ингээд УИХ-ын гишүүн Т.Аюурсайхан, Б.Бат-Эрдэнэ нарын халдашгүй бүрэн эрхийг түдгэлзүүлэхийг УИХ-ын гишүүдийн олонх нь дэмжиж, Н.Наранбаатарыг чуулганд оролцсон гишүүдийн 53 хувийн саналаар түдгэлзүүлээгүй авч үлдсэн юм. Тэгвэл Ерөнхий прокуророос УИХ-ын гишүүн Н.Наранбаатар болон Ж.Батсуурь нарын бүрэн эрхийг түдгэлзүүлэх саналыг дахин УИХ-д хүргүүлж магадгүй гэх мэдээлэл байна. Н.Наранбаатар гишүүний хувьд "нүүрсний" хэрэгт холбогдон шалгагдаж байгаа бол Ж.Батсуурь гишүүн гадны хөрөнгө оруулагчдыг дээрэмдсэн байж болзошгүй гэх асуудалд холбогдоод буй.
