Архангай аймгийн төрөх тусгаарлах эмнэлэгт эмчлэгдэж байсан коронавирусийн халдвартай эх өнгөрсөн шөнө яаралтай хагалгаагаар төрж, охинтой боллоо. Зургаан хүний бүрэлдэхүүнтэй эмэгтэйчүүдийн мэс заслын баг ажиллаж, жирэмсэн эх эсэн мэнд амаржсан байна. Одоогоор эх хүүхдийн бие хэвийн байгааг аймгийн онцгой комиссоос мэдээлжээ.
Тус аймагт сүүлийн 24 цагт 407 сорьцонд PCR шинжилгээ хийж, шинээр илэрсэн 14 тохиолдол батлагдсан бөгөөд Нэгдсэн эмнэлгийн тусгай эмнэлэгт 74, Эрдэнэмандал сумын эмнэлэгт 32, Хайрхан сумын эмнэлэгт 13, Чулуут суманд 1 батлагдсан тохиолдол хэвтэн эмчлүүлж байна.
