"Улаанбаатарт коронавирусийн халдвар нэмэгдэж буйтай холбоотойгоор болохоор маргаашаас эхлэн 0 зогсолт хийх гэж байна" гэх мэдээлэл иргэдийн дунд гараад байна. Үүнийг Засгийн газрын ОНХХ-ийн дарга, УОК-ын хэвлэлийн төлөөлөгч Ц.Ганзориг үгүйсгэв. Тодруулбал, тэрээр Улаанбаатарт тэг зогсолт хийх ямар ч шийдвэр гаргаагүй байна гэжээ.
2021 оны нэгдүгээр сарын 11-ний 06:00 цаг хүртэл Улаанбаатарт бэлэн байдал тогтоогоод байна. Өнөөдрийн байдлаар манай улсад коронавирусийн халдварын нийт батлагдсан тохиолдол 1,362 байгаагийн 889 нь эдгэрчээ. Харин дотоодын халдвар 866 хүрээд байгаа юм.
