УИХ-ын Нийгмийн бодлогын байнгын хорооны өнөөдрийн хуралдаанаар Хөдөлмөрийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийлээ. УИХ-аас тус хуулийн төсөл дээр ажлын хэсэг байгуулсан бөгөөд УИХ-ын гишүүн Ц.Мөнх-Оргил ажиллаж байгаа билээ.
Хэлэлцүүлгийн үеэр УИХ-ын гишүүн Ц.Мөнх-Оргил: Уртын ээлжээр ажиллах хоногийн зохицуулалтын талаар ажлын хэсэг олон санал авч, судалж Уул уурхайн үйлдвэрчний эвлэлийн саналыг хүлээж авч 14:14 хоног болгосон. Үйлдвэрчний эвлэлийн дарга н.Баянжаргалтай хоёр хоногийн өмнө ажлын хэсгийнхэн бүрэн бүрэлдэхүүнээрээ уулзсан. Үүн дээр “14:14 болголоо, гэхдээ 20:10-аар ажиллахад 806 цагийн илүү цаг байгаа. 14:14-өөр ажиллахад 200 цаг болж буурч байгаа. Өөрөөр хэлбэл, илүү цаг дөрөв дахин буугаад цалин хөлсөнд нөлөөлнө. Үүнийг уурхайчид ойлгож байгаа биз дээ гэсэн юм.
