Өнгөрөгч долоо хоногт Мэдээлэл, технологийн үндэсний паркын ажилтнуудаас мэдээлэл хийж, тус байгууллагын статус, дүрмийг шинэчлэх, харьяаллыг харилцаа холбоо, мэдээлэл технологийн салбарт шилжүүлж, боловсон хүчнийг томилгоог тэндээс хийдэг байх зэрэг асуудлыг дэвшүүлж байгаагаа мэдэгдсэн. Тэгвэл төрийн өмчийн бодлого зохицуулалтын газраас дээрх саналыг нь судлахгүйгээр, газрын хурлаар хэлэлцэхгүй яаран түргэн шийдвэр гаргаж байгааг эсэргүүцсэн ажилтнуудын 48 цагийн сануулах хаялт өнөөдөр болж байна. Цаашид хугацаагүй ажил хаялтанд шилжих, суулт хийх зэрэг тэмцлийн замруу орно гэдгээ мөн ажилтнууд нь илэрхийлсэн байна.
