Нью-Йоркийн Өмнөд дүүргийн Дампуурлын хэргийн шүүхийн шийдвэрийн дагуу Google компани Spirit Airlines-ийн бизнесийн өгөгдлийн томоохон багцыг өр барагдуулах дуудлага худалдаанаас 10 сая ам.доллароор худалдан авахаар болжээ.
Энэхүү багцад үйл ажиллагаа, санхүү, техник болон корпорацын талаарх их хэмжээний мэдээлэл багтсан байна. Шилжүүлэхээр жагсаасан өгөгдлийн дунд агаарын тээврийн нислэгийн бүртгэл, үнэ ба орлогын баримт, захиалгын мэдээлэл, засвар үйлчилгээний бүртгэл, түлшний хэмжээ, албан хаагчийн бүртгэл, дотоод баримтууд, программ хангамж болон кодууд байна. Зарим өгөгдлийн цар хүрээ хэт их хэмжээтэй байв. Энэ багцад 763,391 Spirit нислэг, 57.4 сая төлөвлөсөн нислэг, 190.3 сая зорчигчийн нэрийн бүртгэл, 7.5 тэрбумын гүйлгээ болон 3.5 тэрбумын тарифын суурь ажиглалт багтсан байна. Мөн ойролцоогоор 100 сая цахим захидал, 17 сая ширхэг “OneDrive” дээрх файл, 20.6 сая “SharePoint” дээрх файл болон 500 сая “Microsoft Teams” бичлэг багтсан байна. “Google” компани мөн “Spirit”-ийн цахим сүлжээ, гар утас болон системийн арын эх кодын сангуудыг хүлээн авах бөгөөд үүнд ойролцоогоор 30 сая мөр код, санал асуулга болон комментын түүх, асуудлууд болон программ хангамжийн туршилтын баримтууд багтжээ.
Гэрээнд “Spirit”-ийн хэрэглэгчдийн жагсаалт болон хууль эрх зүйн баримт бичгүүд зэрэг хувийн мэдээллийг тусгайлан хасжээ. Шилжүүлэхийн өмнө мэдээллийг ашиглахаас сэргийлэх үүднээс тэдгээрийг таних боломжгүй болгоно. Google мөн мэдээллийг таних боломжгүй байдалтайгаар нь хадгалах, санаатайгаар ямар ч хүн эсвэл айл өрхтэй холбохгүй байх үүрэг хүлээжээ. Гэрээний дагуу “Google” таних боломжгүй болгосон мэдээллийг гуравдагч этгээдэд шилжүүлж болох боловч тухайн этгээд мөн адил хязгаарлалтыг дагаж мөрдөх ёстой.
.jpg)
.jpg)
