Архангай аймгийн Хотонт сумын Улаан чулуу багийн “Өвөр хавцал” гэх газарт малын саравч шатаж байна гэх дуудлагыг наймдугаар сарын 3-ны 22:48 цагт Онцгой байдлын байгууллага хүлээн авчээ.
Дуудлагын дагуу Өвөрхангай аймгийн Онцгой байдлын газрын Хархорин сум дахь Онцгой байдлын хэлтсийн 45 дугаар ангийн алба хаагчид очиход иргэн А-ийн 13х20 метрийн хэмжээтэй малын саравч, 400 орчим боодол өвс шатаж байсан байна. Аврагч, гал унтраагчид шуурхай ажиллаж, галыг бүрэн унтраажээ. Тус газар нь аймгийн төвөөс 75 км-ийн зайд байрладаг байна.
