Өчигдөр /2026.05.11/ Токиогийн Ханэда олон улсын нисэх буудалд буух гэж байсан онгоц салхины улмаас газардаж чадахгүй байгаа бичлэг цахим орчинд олны анхаарлыг татаж байна.
Уг бичлэгт БНСУ-ын “Кореан Эйр” агаарын тээврийн компанийн зорчигч тээврийн онгоц хүчтэй хөндлөн салхитай нөхцөлд газардахаар оролдож буй нь дүрслэгджээ. Онгоц буух зурваст ойртон ирэх үед салхины хүчний улмаас огцом савлаж, нэг тал руугаа хүчтэй хэлбийсэн тул нисгэгч аюулгүй байдлыг нэн тэргүүнд тавьж, газардахаас татгалзан дахин тойрч ниссэн байна.
Нисэхийн салбарт үүнийг “дахин оролт хийх маневр” гэж нэрлэдэг бөгөөд ослоос урьдчилан сэргийлэх стандарт ажиллагаанд тооцогддог.
Харин бичлэгийг үзсэн хүмүүс “үнэхээр түгшүүртэй мөч байсан”, “зорчигчдод маш хэцүү санагдсан байх” хэмээн сэтгэгдлээ илэрхийлжээ. Мэргэжилтнүүдийн хэлж буйгаар хүчтэй хажуугийн салхи нь нислэгийн хамгийн эрсдэлтэй нөхцөлүүдийн нэг бөгөөд ийм үед нисгэгчийн туршлага, шийдвэр хамгийн чухал үүрэгтэй байдаг аж.
ВИДЕО:
강한 측풍으로 착륙 실패하는 대한항공 비행기
— 이씨네 (@Familiy_LEE) May 11, 2026
어제자 하네다 공항 착륙 장면이라는데
정말 아찔아찔 하네요... pic.twitter.com/VBhHVUe9Mr
.jpg)
.jpg)
.jpg)
