1995 оны 11 сарын 20-нд МУИС-ийн ректорын 747 тоот тушаалаар Нийгмийн Ухааны Факультетын бүрэлдэхүүнд Антропологи, археологийн тэнхимийг шинээр үүсгэн байгуулагджээ. Энэ жил тус тэнхим байгуулагдсаны 30 жилийн ой тохиож байна.
Ойн хүрээнд 2025 оны 11-р сарын 20-ны өдөр "Эртний судлал - Миний сонголт" оюутны Эрдэм шинжилгээний хурлыг зохион байгуулж шилдгүүдээ шалгаруулсан бол 2025 оны 11-р сарын 21-ны Монгол бахархлын өдрийн 10:00 цагаас “МУИС: Археологи, Антропологи - сургалт, судалгааны 30 жил” эрдэм шинжилгээний хурал, 14:00 цагаас “Хүннүгийн дүрслэг урлаг: ерөнхий асуудлууд ба шинээр илэрсэн зураасан зураг” сэдэвт олон улсын эрдэм шинжилгээний баярын хурал, баримтат кино, номын нээлт, МУИС-ийн Дугуй зааланд болох юм байна.
Эрдэмтэн багш нар, үе үеийн төгсөгчид, оюутан суралцагсад нарт Монгол Улсын Их Сургуульд Антропологи, Археологийн тэнхим үүсэн байгуулагдсаны 30 жилийн ойн баярын мэнд дэвшүүлье!
