АНУ-ын Флорида мужид гал сөнөөгчид болон яаралтай тусламжийн албаны ажилчид 270 кг жинтэй эрийг барилгын хоёр давхраас кранаар буулгаж, эмнэлгийн тусламж үзүүлэх онцгой ажиллагаа явуулжээ. Энэхүү үйл явдал энэ долоо хоногийн эхээр болсон бөгөөд эрүүл мэндийн ноцтой шалтгаанаар хөдөлж чадахгүй болсон эрийг эмнэлэгт хүргэх шаардлагатай болсон байна.
ВИДЕО:
ВИДЕО: Флорида мужийн гал сөнөөгчид 270 кг жинтэй эрийг кранаар өргөж, эмнэлгийн тусламж үзүүлжээ
— iSee.mn (@iSee_MN) October 10, 2025
УНШИХ: https://t.co/wwn3jSOEBZ pic.twitter.com/blZbIpKVEy
Гэвч түүний байрны хаалга, шат нь хэвийн аргаар буулгахад тохиромжгүй байсан тул аврах албаныхан тусгай тоног төхөөрөмж ашиглах шаардлагатай болсон байна. Иймд гал сөнөөгчид том оврын өргөгч кран ашиглан тус эрийг тусгай бэхэлгээнд байрлуулж, аюулгүй байдлыг ханган доош буулгасан байна.
Дараа нь түүнийг түргэн тусламжийн баг газар дээр нь хүлээн авч, ойролцоох эмнэлэг рүү яаралтай хүргэжээ. Орон нутгийн аврах албаны мэдээлснээр, ажиллагаа амжилттай болж, иргэний аюулгүй байдлыг бүрэн хангаж чадсан байна. Хөршүүдийн мэдээлснээр, тухайн хүн сүүлийн саруудад эрүүл мэндийн асуудлаас болж гэрээсээ гараагүй байсан аж.
