Казахстаны Алматы хотод өсвөрийн шатарчдын дэлхийн аварга шалгаруулах тэмцээн үргэлжилж байна.
Өчигдөр тэмцээний нэг хэсэг болох шатрын бодлого бодолтын ДАШТ-ийг зохион байгуулсан бөгөөд манай улсаас “Босоо ноён” клубийн тамирчин кандитат мастер И.Цэлмүүн түрүүллээ. Тэрбээр 12 хүртэлх насны ангилалд боломжит 30 онооноос 29-ийг нь авч дэлхийн аварга болов. Түүний хувьд өнгөрсөн жилийн бодлого бодолтын дэлхийн шалгаруулах тэмцээнээс мөнгөн медаль хүртэж байсан бол 2025 онд ДАШТ-ээс өмнө дэлхийн цомд түрүүлээд байсан юм.
