АНУ-ын Төрийн департамент өнгөрөгч 2 дугаар сард Венесуэлээс гаралтай “Tren de Aragua”-г гадаадын террорист байгууллага, дэлхийн онц аюултай террористуудын жагсаалтад оруулсан. Мөн АНУ-ын Ерөнхийлөгч Д.Трамп Венесуэлийн эрэг рүү олон мянган цэрэг, арав орчим тэнгисийн цэргийн хөлөг онгоцыг илгээсэн юм.
Харин энэ сарын 02 /2025.09.02/-ны өдөр АНУ-ын цэргийнхэн Венесуэлээс гаралтай хар тамхины завь руу цохилт өгч, 11 хүнийг хөнөөсөн гэж Ерөнхийлөгч Д.Трамп мэдэгдэж байлаа. Тэгвэл өнөөдөр /2025.09.16/ өглөө АНУ-ын цэргийнхэн олон улсын усан хилийн бүсэд Венесуэлийн "хар тамхины алан хядагчдад" цохилт өгч, гурван эрэгтэй террористыг устгасан гэж Д.Трамп дахин мэдэгдсэн байна.
ВИДЕО:
ВИДЕО: Венесуэлийн "хар тамхины алан хядагчдад" цохилт өгч, гурван эрэгтэй террористыг устгасан гэж Д.Трамп мэдэгджээ
— iSee.mn (@iSee_MN) September 16, 2025
УНШИХ: https://t.co/7ZSgj2NYxW pic.twitter.com/6itWXxOdo6
Д.Трамп, "Хэрэв та америкчуудын үхэлд хүргэж болзошгүй хар тамхи зөөвөрлөж байгаа бол бид таныг эрэн сурвалжилж байгаа. Эдгээр картелийн хууль бус үйл ажиллагаа олон арван жилийн турш Америкийн нийгмийг сүйрүүлж, Америкийн сая сая иргэдийн амийг хөнөөсөн" хэмээн мэдэгджээ.
Эх сурвалж: BBC
