Тайландын Үндсэн хуулийн цэц Ерөнхий сайд Паетонгтарн Шиннаватрыг Камбожийн удирдагч Хун Сентэй хийсэн алдагдсан утасны ярианаас нь болж огцруулжээ. Тэдний утасны ярианд Паетонгтарн Шиннаватр армийнхаа нэгэн командлагчаа шүүмжилж, хил дээрх маргааныг эвлэрүүлэн шийдэх байр суурь илэрхийлсэн нь дотоодод ийнхүү эсэргүүцэл дагуулжээ.
Паетонгтарн Шиннаватр уг яриагаа хамгаалан, тэр үед дипломат гарц нээх гэж оролдсон гэж мэдэгдсэн байна. Харин Камбожийн удирдагч Хун Сен уг яриа нууц хэвээр байх ёстой байсан гэжээ. Гэвч тэдний яриа алдагдсан нь Паетонгтарн Шиннаватр болон Тайландын Пheu Thai намын нэр хүндийг ноцтойгоор унагаж, түүнд огцрох шаардлага тавихад хүргэсэн байна.
Тайландын парламент шинэ Ерөнхий сайд сонгох ёстой ч сонголт хязгаарлагдмал, Пheu Thai намд үлдсэн нэр дэвшигч нь сул нэр хүндтэй, эрүүл мэндийн асуудалтай байгаа аж. Улмаар Тайландад улс төрийн хямрал улам гүнзгийрч, шинэ сонгууль хамгийн тодорхой гарц гэж байгаа боловч засгийн газрын эрхийг барьж буй Пheu Thai үүнийг хүсэхгүй байгаа аж.
Эх сурвалж: BBC
