БНСУ-ын тусгай өмгөөлөгчийн баг экс тэргүүн хатагтай Ким Кеон Хиг авлига болон хээл хахуулийн хэргээр яллаж, түүнийг цагдан хоригдсон ерөнхийлөгчийн анхны эхнэр болгосон юм.
Тодруулбал, Цагдан хоригдож буй Ерөнхийлөгч асан Юн Сук Ёолын эхнэр Ким Кеон Хиг Хөрөнгийн зах зээлийн тухай хууль, Улс төрийн сангийн тухай хууль болон авлигын эсрэг хуулийг зөрчсөн гэж тусгай өмгөөлөгч Мин Жун Кигийн баг мэдэгдсэн байна. Түүнийг 2009-2012 оны хугацаанд хувьцааны манипуляцийн схемд санхүүжилт олгосон, 2022 оны Ерөнхийлөгчийн сонгуулийн өмнө нөхөртэйгөө хамт үнэ төлбөргүй санал асуулга хийлгэсэн, намын төлөөлөгч асан Ким Ён Суг парламентад нэр дэвшүүлэхийг баталгаажуулсан гэх хэрэгт буруутгасан байна. Мөн 2022 онд бизнесийн зорилгоор бөөгөөр дамжуулан Эв нэгдлийн сүмээс тансаг бэлэг авсан гэх хэрэг ч багтжээ.
БНСУ-ын тэргүүн хадагтай асан Ким Кеон Хиг баривчлах хугацаа дуусахаас хоёр хоногийн өмнө яллах дүгнэлт үйлдэж, дахин зургаан сар хорих шийдвэр гаргасан байна. Хэрэв энэ хугацаанд нэмж хэрэг илэрвэл баривчлагдах хугацааг сунгах боломжтой гэж БНСУ-ын тусгай өмгөөлөгчийн баг мэдэгджээ.
БНСУ-ын тэргүүн хадагтай асанг баривчлагдсанаас хойш таван удаа байцаасан ч тэр ихэнхдээ дуугүй байх эрхээ эдэлжээ. Үүнтэй зэрэгцэн мөрдөн байцаалтын цар хүрээг өргөтгөж, түүнд үнэт эдлэл болон ашиг сонирхлын шинжтэй бэлэг өгсөн байж болзошгүй хүмүүсийн гэр, оффисуудад нэгжлэг хийсэн байна.
Эх сурвалж: Yonhap
.jpg)
