Израилийн арми Газын зурвас руу өргөн хэмжээний дайралт эхлүүлж, олон хоног үргэлжилсэн хүчтэй буудлага, агаараас өгсөн цохилтын дараа хотын захад байр сууриа эзэлсэн талаар мэдэгджээ. Израилийн зэвсэгт хүчний төлөөлөгчийн мэдээлснээр, тус улсын цэргүүд одоогоор Зейтун болон Жабалия дүүргүүдэд ажиллагаа явуулж байгаа аж.
Харин Израилийн Ерөнхий сайд Б.Нетаньяху өчигдөр /2025.08.21/ Газын хэлтэст зочлох үеэрээ Газад үлдсэн Израилийн барьцаалагдсан хүмүүсийг суллахын тулд Хамас бүлэглэлтэй нэн даруй хэлэлцээ хийхийг тушаасан гэж албаны эх сурвалжууд онцолжээ.
Энэхүү мэдэгдэл нь Израилийн Батлан хамгаалах яамны 60 мянган орчим нөөц цэрэг татах төлөвлөгөөг баталсны дараа гарсан байна. Энэ нь Хамас бүлэглэлийн сүүлчийн томоохон цэгүүдийг Газын хойд хэсэгт эзлэх зорилготой гэж тайлбарлажээ.
Израилийн армийн хэвлэлийн төлөөлөгч Авичай Адрай X сүлжээнд мэдэгдэл хийж, "Газын хойд хэсэгт байрлаж буй эмнэлгийн байгууллага болон олон улсын байгууллагуудад иргэдийг Газын өмнөд бүс рүү нүүлгэн шилжүүлэх бэлтгэлээ хангах"-ыг анхааруулсан байна.
Эх сурвалж: BBC
.jpg)
